بسم الله الرحمن الرحيم
السلام عليكم ورحمة الله وبركاته
ليه فخفخينا !!
لاننا مجموعه من البشر مختلفين عن بعض لكن اللي بيجمعنا الصداقه
فينا المهندس والطالب والدكتور والمدرس والخريج
منا اللي بيحب الشعر واللي بيحب الخواطر الايمانيه واللي بيحب النقد الساخر
واللي بيحب التأملات واللي بيحب الرغي
ولاننا نؤمن بمبدأ ان الحياه ما هي الا
سمك لبن تمر هندي سجق وجولاش
قررنا نتجمع كلنا ونعمل فخفخينا
بس فخفخينتنا مش زي اي حد
لا فرغلي ولا سامي
حاجه كده اوعي وشك
طيب احنا مين !!
احنا شباب زهئان طهئان مدايء
بس امل
وبيضحك
وبيتمني بلده تكون احسن بلد العالم
مكونات الفخفخينا :
- وائل مصطفي (من اول لمسه )
- ايمان الحسيني (طعمه )
- رواء الروح (ولاد حارتنا )
- رضوي (خليك في حالك )
- نايري (من اول لمسه )
- مستكه (مستكه وحبهان )
ولاننا فخفخينا انتظرو منا كل حاجه
ضحك - زعل - حب - نقد - رعب - شعر
هتلاقو عندنا فاكهة الموسم والمواسم
نحن نختلف عن الاخرون..
هناك ١٥ تعليقًا:
مبرووووووووووووووك
جزاكى الله خيرا اختنا الكريمه مستكه صحابه القلم المميز والصولات والجولات فى عالم المطبخ وركن المراة
شرف لى التواجد وسط تلك الكوكبه الغير عاديه من عمالقه القلم وان شاء الله تعم الفائدة على الجميع
فخفخينا للبهوات يا جابر والحساب عند المهندسه طعمه
ايه ده ياعم وائل !!
الرد بتاعك ده بيفكرنى بردود الناس على بعضها فى حقبة الستينات من القرن الماضى ..
:)
مبروك المحل الجديد ياجماعة وبمناسبة الأفتتاح مفيش حاجه FREE
أحلى مبروك على أحلى فخفخينا
شرف ليه والله هذا الانضمام
هيييييييييييه هييييييييييييه
اخيرا افتتحناها
وش بيبص لفووووووق
اهلا يا بشمهندس
<<< المميز والصولات والجولات فى عالم المطبخ وركن المراة >>>>
طاعوا علينا اوشاعات بئه
ربنا يعزك
كل اللب بتقوله ده كتير
كوكبه وعولمه
احنا ابسط من كده بكتير
لسه بنسمي
ياهادي
بس احلي حاجه الفخفخينا المجاني دي
................................
A . Salem
اهلا بحضرتك يافندم
نتمني نكون عند حسن ظنك
بالنسبه للفري بئه اول مره مجانا
لكن بعد كده
مجانا برضه
(سياسة جر رجل الزبون )
.................................
اجمل حلا
احنا اللي شرف لينا تواجدك معانا
.........................
رضوي
هييييييييييييييييييه
واخيرا
بس بتبصي لفوق ليه
خليكي واقعيه
ههههههههههههههههههههه
جود مان الشهير A . Salem
ستينات !!
دة على اعتبار ان حضرتك بتدينى ميزدات على الجرامفون
مفيش حاجه FREE هنا يا ضنايا
ادفع وبعدين اعترض
ـــــــــــــــــــ
مستكه ..
والله يا فندم انها لكوكبه
حضرتك والاخت طعمه والاخت رضوى والمبدعه رواء الروح (ابدعت فى كل حاجه ما عدا وائل وائل يعنى )
بس اللى مجننى
نايرى بتعمل ايه هنا
لا لحظه بقى
هو a.salem يبقى ابو نسيم ؟؟؟
قصدي الاخ جوود مان ؟؟
اهلا بحضرتك
نورت المدونه
اول مره بس فري لحضرتك ولنسيم
تاني مره فري لنسيم بس
وبعد كل مره فري لنسيم
ابو نسيم لا
لازم ندفعووووه
وبمناسبة الافتتاح
المحل كله تحت امرك يافندم
يوم الافتتتاح بس فري لحضرتك
وبعد كده عنيننا لنسيم
D:
*فينا المهندس والطالب والدكتور والمدرس والخريج*
انا اسمي مكتوب؟
اه
طااايب
*واللي بيحب الرغي*
مش انا يا ريس
*بس امل وبيضحك وبيتمني بلده تكون احسن بلد العالم*
امل مين حضرتك؟ احنا مش كنا فرغلي وسامي من شوية؟
وبعدين ايش عرفكم بحكاية البلد دي؟هو اي حد يقولكم انا من البلادي يبقى موننا؟انا شخصيا مش موننا انا مونهم ...عدم المؤاخذة ولاد عمنا يعني ...للاطمئنان ياريت كل واحد يطلع البظابورط
*- رعب -*
اشـــطاااااة...اتعهد بتوصيل الرعب للمنازل وهذا اقرار مني بذلك
وهدية عليه طولة لسان كمان
*هتلاقو عندنا فاكهة الموسم والمواسم*
وكل حاجة بسبعة ونص ماعدا الرعب بسبعة ونص بردو...وقسم خاص للرجال...اصل الماحيل كله بنات حوا والرجالة بنسيبهم مزنوقين ف الركن كدة ووشهم للحيط ولو زودوا ف الكلام اديهم لفوق وشايلين الشنط
اظن واضح طبعا في الخامس اللي معانا
جود مان ...ياريت تجيب معاك نسيم كل مرة والا مش هانضمن ظروف الشنط ايه ومبروك كتب كتابك برضك يا عريس
*نحن نختلف عن الاخرون.. *
عشان مش كل من لعب ف الخلاط وظاروط المطبخ يعرف يعمل فخفخينا
احنا بتوع الفساد
ايييييه ده
هو اللي انا رديت عليه ده جوود مان
مش تقولو يا جدعان
كده مفيش فري خالص
والمشبك عليه
وكلمة زياده هنحط في القايمه صفيحة جبنه براميلي
ومبروك يا عريس
..........................
بشمهندس وائل ما دمت مصمم علي انها كوكوه
تبقي كوكوه
مش هنزعلك
بخصوص نايري فاكيد بتتقل علينا عشان تنزل بالموفيييد
...........................
رضوي يا صاحبة الالقاب
حلو اللقب ده ابو نسيم يا القااابك
جو اوووون
............................
نااااااااايري عاصفة الصحراء
نورتي وربنا
نورتي والله
اقسم بالله نورتي
تلاته بالله العظيم نورتي
بصي خلينا نتفق من الاول كده
متدئئيش علي كلامي عشان عندي الغلطات بالعبيط
لسه جديده بئه وبتاع
اما بالنسبه للرعب انا عارفه انها احد هواياتك ومحبتش ابدا احرمك من حاجه
ارعبينا يا بنتي اكتر ما احنا مرعوبين ولا يهمك خاالص
>>>والرجالة بنسيبهم مزنوقين ف الركن كدة ووشهم للحيط ولو زودوا ف الكلام اديهم لفوق وشايلين الشنط >>>>>
شيدي حيلك معانا بئه
اهو كله من اجل الوطن
نياااهاهاها
>>>احنا بتوع الفساد >>>>
لا احنا كده مش هنفتتح المدونه
دا احنا هنفتتح او زعبل
نورتي يا اجمل مشاغبه عرفتها
وانا بردو أول مرة أ‘رف إن أحمد سالم هوهو أبو نسيم هههههههههههه
منور يا جوود مان
خير، اما نشوف :))))
بشمهندس عياش
منور وربنا
تشرب فخفخينا .. ؟؟
مش فري على فكره
الافتتاح خلص خلاص
وكله بحسابه دلوقتى
P:
وبالمناسبة السعيدة دي الفخفخينا بقت بكام في مصر؟
مممممممم
مش عارفه والله يابشمهندس
بس عندنا الفخفخينا بـ7 جنيه ونص
والنص قبل السبعه جنيه
D:
مستكة باشا
أنا "هبة النيل" يا فندم
رواء دي هناك بس يا قمر
إرسال تعليق