مفكرتي العزيزة بعد رحلة عناء طويلة وصراع مع الدايل أب لمدة شهرين قررت أوصل خط دي اس ال
وما إن ذهبت إلى الشركة المعنية وما إن سمع موظف خدمة العملاء رقم تليفوني حتى قال : لا والله آسفين جدا مش بنركب هناك"
ليه يا عم؟؟ ... علشان دي حاويات مش سنترال ... طيب والحل ... هيرقوه ويكون سنترال امتى ...لما ربنا يئذن ....
وتم تأجيل التركيب إلى أجل غير مسمى ...
قررت إني أرجع للسيبر القديم اللي قريب من بيتنا (يبعد 200 متر عن البيت تخيلوا مسافة السلك) مع انه كان معايا هاكر مطلع عيني بس قولت معلش ... المهم وانا عنده خبطت فدماغي فكرة انه أكيد رقم تليفونو بدايته زي بدايتي طيب ليه مخليش شركته توصللي
وقد كان ... فعلا رحت للشركة اللي موصلاله الخط علشان توصللي ... قالولي اسبوع كلمتهم ... فينكم ..طيب اسبوع كمان يا دوك ..
ماشي .. بعد اسبوع كمان كلمتهم طيب اسبوعين بأه ونركبلك ... قولتلهم لا معلش فيه ناس تانية عرضت عليه تركيب فوري..
طيب حاضر هنرد عليكي ..
هكمل بعدين
أدينا بنكمل ... ورانا إيه
المهم فعلا تقريبا خافوا أروح لحد تاني وبعتولي المهندس ركبلي في ربع ساعة الحقيقة
لكن اللذيذ انه لقى الوصلة الأساسية في المطبخ :) طبعا مش هيجر سلك من المطبخ لحااااد أوضة المكتب (قال يعني الفلة من وسعها) المهم ركبهولي بس قاللي بشرط إن كل ما التليفون هيرن أو السماعة تترفع هيفصل النت
ماشي يا عم مش بعمل داون لوود انا ولا افلام ولا غيرو ...
المهم مشي الحج الباشمهندس وعملت بأه النسكافيه المتين وقررت أدخل الحارة ...
خلاص أخيرا بضغطة واحدة على الانترنت اكسبلورر هلاقي نفسي في شقتي في الحارة (حارة زعتر)
مش لسه هعمل دايل أب واستنى لما يحمل ويمكن يقطع فجأة وانا بكون برد على حد من جيراننا اللي بينادو عليه في زجلو.... واستخسر أدخل تاني (نظام أشفرة بأه) لاء خلاص .. ضغطة واحدة
يااااه وحشني الحارة أوي رغم اني سايباهم الصبح ... بس بردو .. احساسي انهم معايا على طول وفأي وقت
ضغطت على الانترنت اكسبلورر لقيت جووجل -على طول بأه- .. اشطا ...
ومن الفيفوريت حارة زعتر .. كليك ...
...This page cannot be
ايه ؟؟... ليه ؟؟؟ فصل وللا ايه؟؟؟
في سماعة مرفوعة ... لاء
أجرب كووول المواقع بتفتح ... طب والحارة؟؟؟
طب طب .... قلبي طب ...
جريت على رضوى في المسنجر الحقيني قوليلهم في الحارة أختكم واقفة على باب الشقة والمفتاح مش معاها
(طبعا ناهيك عن التريقة) واللي يقولك عشان أرياف ولازم تغير المحافظة
المهم جري اتصلت بالمهندس كله بيفتح يا فندم ما عدا موقع واحد بس
اسمه ايه... "حارة زعتر" ... حارة ايه؟؟؟!!
يا حج مش مهم الاسم المهم ليه؟؟؟
لاء عادي الدي اس ال كدا ممكن مواقع ميفتحهاش ....
ما يــ إيه؟؟؟!!!
ناعاااام (يا عومااار)>> في سري طبعا الراجل عارف اني دوك محترمة
ولا يعرف حاجة عن "رواء الدكرور"
معلش يا دكتور دا عادي في الدي اس ال ...
يا راااجل وبعدين هيفضل كدا "فور ايفر" >> بنرسم دور الدكترة بردو
لا ممكن بكرا ممكن على بالليل انتي وحظك
طيب شكرا ...
وقفلت وانا كلي أسى وحزن ...
طبعا طبعا مش ممكن بعد مصاريف الدي اس ال دي كلها
(كفاية اللمكالمات اللي صرفتها على الباشمهندس بس)
أفتح تاني دايل اب
خلاص يا هبة
ليكي رب اسمه الكريم
تاني يوم ...
دعيت ربنا وسميت ...
وكتبت من غير WWW
وفتح :)
وش بيطلع لسانه
وتوتة توتة فرغت الحدوتة الملتوتة
هناك ١٣ تعليقًا:
ايه يادكتور !! هو هنا كمان فيه يتبع
منهم لله اللى عودونا على الاعلانات بين
المسلسل :)
ياااااني جيتي علي الجرح يا هبة النيل
(بقول هبه اهو مش رواء ولا حاجه ^_^)
لو هنتكلم علي خدمة النت في مصر هنقول مواويييييييييييل
لو كان النت رجلا لخطفته
ولو سمحت يا جود مان اصحاب السيابر يمتنعوووووون
زي حواديت الامهات اللي مش بتخلص لانها اصلا مش ليها نهاية وكل هدفها ان الواد ابن اللذين ينام وخلاص بدل ماهو قارفها طول اليوم
عم دكروري....خش ف الغميق على طول وقولنا ايه اللي حصل بسرعة قبل ما الواد ينام
اصل بصوراحة ممكن اي حد ينام منك الا انا....بعز الرغي زي عنيا
وراك وراك لحد اما اوصل للهابي اند
متابعين يا دكتورة ..لما نشوف اخرتها مع الدى اس ال .. شكلنا هنجيب الرجاله ونكسر الشركه دى
منوره يادكتوره
على فكره بقى خدمه الدي اس ال مش شايفه فيها حاجه وحشه بصوراحه (وش بيطلع لسانه) عندنا الحمدلله دخلت خلال اسبوعين اتنين وشغال فله اهو من يومها (وش بيطلع لسانه بردو) يمكن بتختلف من شركه لشركه تانيه ... وده اكيد وارد ...
متابعه معاكي يا رورو ...شكلهم على فكره مضطهدينك انتى بالخصوص يعني
انا لو منك بقى
اهدلهم الشركه ع اللى فيها واقطعلهم الاسلاك كلها واخلي الناس تقدم فيهم شكاوى من هنا لدمياط
ماحدش يسألنى اشمعنى دمياط
ماشي يابونسيم D:
ناعاااااااام ياعوووووووووومار
هههههههههههههههههه
انتى مننا ..احم قصدي منهم ولا ايه يا دكتره
(ايموشن ميت من الضحك)
مبروك الدي اس ال يادكتوره
ومبروك عودتك للحاره
اله مايقطعلك حاره ابدا ياقادر ياكريم
قولى امين
:ker:
أحمد بيك سالم
كملتها خلاص
مستكة باشا
يا بنتي دا الخدمة فمصر اشطا أومال لو شفتي في حتت تانية
احمدي ربك 45 جنيه وتلاقي نت أستاذ
نايري
منورة يا جميل دخلت في الغميق وخدت معايا على الله تغرقي ونرتاح من لسانك
(وش بيطلع لسانو)
باشمهندس
ازيك يا عريس
قلبك أبيض خلاص زبطوني :)
أوّا
مننا وللا منهم
هههههههههههههه
دعوتك ليه مخلياني عاوزة اقولك تسلمي
يا حجة أم سنية ههههههههههههه
انا عندى احباط شديد
مش عارفه ااقول ايه
بس محبطه جدا"
والسبب...حال الحبيبه
بعد رجوعى من العمرة اكتشفت ان مصر قتلوها..ونسيوا يدفنوها
مبروك علينا الفخفخينا..
بس متكتروش البرتقال..مش بحبه فى العصاير إلا لوحده ..وسكرى
هو فيها برتقال؟؟؟؟؟؟؟
هبه
بوست يؤكد ان الانسان المصرى قوى رغم المعاناه
اخبار النسكافيه إيه
الغالية جدن جدن أم البنات
مبروك عليكي العمرة يا حبيبتي
ربنا يتقبلها يا رب
نورتي المملكة وضلمتي هنا
ودلوقتي منورة مصر كلها يا قمر
معلش لعلمك الحبيبة قوية وولادها أقوية أوي فوق ما حنا متخيلين بجد
تعرفي معروف عننا في الخليج اننا hard worker
من فضل الله
والنسكافيه هقوم اعملي واحد تاني :)
منورة منورة منورة
طيب احنا نعمل ميثاق اننامش هندون اى حاجه تنتهى بوش بيلطع لسانه ..
مشاكل النت فى مصر الفترة دى شائعة جدا " حلوة شائعة دى " احم
الحر وطبعا عدم وجود تكيفات فى السنترالات وتحديدا فى غرف الديسلامات هو المسئول عن الاعطال الكثير دى بقولك ايه يادكتورة
فيه وحدات بتتباع من فودافون تركبيها على الجهاز فىمكان طالما التغطي متوفرة لفودافون السرع كويسه والتصفح برضه ..وبلا سنترلات بلا وجع أب :)
هبه يا حبيبتي كويس جدا انهم اخييييرا جولك
اعرف واحد اعد مستنيهم تلات شهور واخر ما زهق قال بلاها نت خلاص وسافر
ههههههههههههههههه
.............................
ام البنات يا قمر
منوره الدنيا كلها
عمره مقبوله ان شاء الله
ياتري دعيتي ولا ايه
هعرف علي فكره
هههههههههههههههههههههههه
والفخفخينا ليكي خصوصي مش لاي حد
واحد فخفخينا هنا مخصوص يابني والحساب عندي
.............................
جود مان
تقولوا في الصيف ظروف الحر والتكييف
والشتا عشان الامطار والاعاصير
والخريف فيه هوا
والربيع قفلي علي كل المواضيع
طيب امتي !!!
سهلة يامستكة خالص على فكرة
يعنى لا فى شتا ولا صيف ولا ربيع ولا خريف
أكيد أكيد
هيبقى فى المشمش :)
وانا استفدت ايه لما قريت العريضة ولا هى المدونة دى للصحاب وبدل منحكى بنتكتب
اصل انا مركب دى اس ال من زمان
إرسال تعليق