فشل.!!! ثم ؟؟

بوست بقى من نفسي ..

سلام عليكم ورحمة الله

حد جرب الفشل قبل كده ؟؟

الفشل فى اى حاجه ايا كانت ..!

انا جربت للأسف وكتير كمان

لاقيت انه فشل عن فشل يفرق كتير اوى

زمان كنت من الفاشلين فى الجامعه

عادي يعنى

ماكانتش بتفرق معايا

اشيل ماده

اشيل اتنين

مش بتفرق نوهائي

حتى لو كنت جربت اعيد سنه بحالها..

اعتقد مش كانت هتفرق بردو ..

حاسه انه فشل عادي

حتى لما كنت بنجح فى الماده

كنت بقول كفااااااااره

بس كفاره عن كفاره بردو بتفرق ..

الفشل المره دي مختلف تماما

مختلف لانه فشل في شئ بحبه جدا..

كانت من اللحظات الصعبه اللى مريت بيها..

احساس مختلف تماما..

عارفين لما واحد يقعد يخترع فى اختراع سنين كتيره..

واخيييييييييرا ماصدق خلصه

نفترض مثلا اى اله بتشتغل بالكهربا..

جه يشغل الاله دي (الاختراع بتاعه يعنى )..

حط الفيشه براحه وباين على وشه القلق والانتظار..

انتظار نتيجه مجهوده ..

لكن...ماشتغلتش ..

بص يمين وشمال كل حاجه سليمه..

مافيش ولا سلك بايظ..

ولا سلك مش فى مكانه..

بيبص لمح رزار التشغيل..

خبط راسه بأيده وقال هو ده..

داس على الزرار بأيد..

والايد التانيه على قلبه..

مستني ينور ..مانورش ..

يشتغل ..

ماشتغلش ...!!!!!

طب المشكله فين ؟؟؟

مش عارف ..

كل حاجه تمام التمام..

كله حاجه متظبطه ميه ميه ..

طب ايه ؟؟..

اعمل ايه ؟؟..

اشغلها ازاى ؟؟..

حس انه مجهوده كووووووووله راح ..

مجهود سنين كتيره طار فى الهوا..

لحظه صعبه طبعا ...

صعب انك تستنى الاله تشتغل..

وماتشتغلش ..

طب هتعمل بيها ايه دلوقتى ؟؟..

خامتها دي كوووولها هتوديها فين ؟؟..

هتكسرها وترميها ؟؟..

ولا هتبيعها ؟؟..

ولا هتديها لبتاع الروبابيكيا يتصرف فيها ؟؟..

مش هتهون عليك اكيد..

مش هيهون عليك تعبك..

تيجي بقى بعد كده..

تكتشف انه فى زرار تاني وانت ناسيه..

حد يقولك ماهو فيه زرار تانى اهو ..ماتجربه..

اكيد هتتنح قصاده..

وتبص للزرار خايف تدوس عليه..

قلقان ..مش عارف هيشتغل ولا هيكسفك زى اخوه..

تسمي بالله..

وتدوس على الزرار..

وتلاقي الاله نورت..

تلاقي نتيجه تعبك ومجهودك..

تتنهد تنهيده طويله..

ومش بعيد تتبعها دمعه ويمكن دموع كتيره..

بالرغم انك من شويه كنت فى لحظه صعبه..

لحظه فشل مريت بيها ..

لكن بعد ما الزرار اشتغل والاله نورت..

الوضع اتقلب ميه وتمانين درجه ..

بعد ماحسيت انه تعبك راح على الفاضي..

لاقيت انه ماضاعش..

بعد ماحسيت انك فاشل..

لاقيت انك مش فاشل..

كان ناقص تكه واحده بس ..

تكه واحده والاله تنور وتشتغل..

لكن انت ماكانتش شايفها..

وغير نبهك ليها ..

حد مر بده قبل كده ؟؟..

حد حس الاحساس ده قبل كده ؟؟..

شتان مابين الاحساسين..

وشتان مابين مابعد الاحساسين ..