اللي اختشوا ماتو

هنوصل لفين بعد كده

حرايق متكرره

بيوت منهاره

ناس بتغرق

وناس بتموت

كوارث طبيعيه وغير طبيعيه

الواحده تلو الاخري

ولا حياة لمن تنادي

الغريب والمدهش في نفس الوقت انها كلها حوادث مكرره بحذافيرها


ولافيه ادارة ازمه

ولا فيه مواقف جاده وحاسمه

وكل يوم من سيء لاسوأ



يعني ايه مسؤل

ومين اللي بيحاسب المسؤل ده لما يقصر في واجبه

واحنا لامتي هنفضل رخاص وكمالة عدد في نظر المسؤلين

فين الحكومه من كل اللي بيحصل ده

خايفه الحكومه تفاجئنا في يوم زي ما عماد حمدي فاجيء عبد الحليم حافظ في فيلم الخطايا

وتقولنا انتو مش الشعب احنا لائيناكم علي الحدود


لن اندهش ابدا اذا تم تجريم كل من ماتو في تلك الحوادث واعتبارهم ممن سببوا زعزعة الامن والسلام في البلاد

ده طبعا لان اللي .......







ويجعله عااامر






********************************************************************************


تحديث


>>>>>>>>> ألا تتفكرون <<<<<<<<<


مش معني كلامي اللي فوق ده ان الحكومه فيها كل العبر

واحنا كشعب ملايكه

انا مؤمنه تماما انه من اعمالكم سلط عليكم

لو تفكرنا شويه في قصص القران هنلاقي ان كل قوم كانو بيعدو ويطغوا

ربنا بينزل عليهم العقاب

اه احنا لا في عصر الانبياء ولا فيه معجزات

لكن فيه بشر بتغلط

وفيه ربنا بيعاقب

مصر مرت بازمات كتيره قبل كده

بس مش بالشكل ده

بنطلع من مشكله منلحئش نفوق منها نلاقينا دخلنا في التانيه

اه معدتش فيه زمة ولا ضمير بما يرضي الله

كلنا بنعدل علي بعض وكل واحد مستني الغلطه اللي ينظر عليها

بس محدش بيبص لنفسه ولا لافعاله

والصالح اوي اللي فينا بيعمل ايه !!

انا مش عايزه ادخل في كلام مالوش لزوم

بس من الاخر لن يغير الله ما بقوم حتي يغيرو ما بانفسهم


الحكومه عليها جزء كبير من المسؤليه من اللي بيحصل ده

واحنا كشعب مسؤليتنا متقلش عنها

علي الاقل اننا سكتنا عنها وعن فسادها علي الرغم من كل اللي بيحصل

وسكتنا علي غلط كتير منا علي اساس انه اصبح امور مسلم بها

كلنا غلطنا وكلنا في مركب واحد

عشان كده المركب بتغرق بينا كلنا