التقويم الشامل
اظن كتير منكم سمع عنه
بس ميعرفش عايه فكرته
باختصار شديد التقويم الشامل ده نظام بيحاولوا يطبقوه علي السنين الدراسيه بتطوير المناهج
او بمعني ادق تطوير اسلوب عرض المنهج مع تغيير طريقة التدريس نفسها
يعني المنهج هو نفسه لكن شكل الكتاب وطريقة عرض المعلومه اللي اختلفت بالاضافه الي
اسلوب المدرس بالفصل
المفروض انه الطريقه دي تحقق افاده اعلي للطالب بحيث انه 50% من درجاته بتتوزع كنشاط وسلوك وعملي بالفصل
وال50% الاخري بتكون عن اداؤه لاختبارات نصف العام واخره
يعني المفروض ان 50% من درجات الطالب في ايد مدرس الفصل !!
ده بالنسبه للطالب
اما بالنسبه للمدرس فمطلوب منه تدريس المنهج حسب الخطة الموضوعه له كل شهر
واثناء الشهر ده مطلوب منه انه يشرح المنهج ويتابع الطالب ويقوي نقاط ضعفه ويجري له تلات اختبارات شهريه علي ما تم اخذه ورصد جميع درجات الاختبارات ومن ثم اعتماد اعلي درجه للطالب من خلال التلات اختبارات دول مع عمل ملف خاص للاحتفاظ بكل الاختبارات
ممكن ميكونش ده كتير علي المدرس وخصوصا انه حصل علي حقه من الكادر
بس تفتكرو لما يكون متوسط عدد التلاميذ في الفصل الواحد 45 طالب مش هيكون كتير !!
وعلي الرغم من الهدف السامي من موضوع التقويم الشامل ده
الا ان المفاجاه فعلا ان الكتب الي اليوم لم تسلم لطلاب الصف الرابع
عني المفروض المدرس يقرا الفنجان ويضرب الودع ويدرس للطلبه المنهج اللي لسه منزلش عشان الدراسه بدأت من شهر
والمدهش والمثير للازبهلال بجد ان الكتب الخارجيه نزلت بالمنهج الجديد قريبا في الاسواق
طب ازااااي !!
المفروض انه الكتب الخارجيه بتكون مساعده للطالب بعد الكتاب الوزاري
انما تطبع وتنزل قبله !!
هل دي سياسه جديده ؟
هل الوزراه معندهاش الميزانيه الكافيه لطبع الكتب في ميعادها ؟
هل دا شيء مقصود ومتعمد لاضطرار الطالب شراء الكتاب الخارجي لانه كده كده واخد الكتاب الوزاري حتي لو نزل في التيرم التاني !!
والسؤال اللي بيفرض نفسه بقوة
هل حقق نظام التقويم الشامل الهدف المرجو منه فعلا !!
ولا هو تغيير عشان يكون تطوير والسلام
اظن كتير منكم سمع عنه
بس ميعرفش عايه فكرته
باختصار شديد التقويم الشامل ده نظام بيحاولوا يطبقوه علي السنين الدراسيه بتطوير المناهج
او بمعني ادق تطوير اسلوب عرض المنهج مع تغيير طريقة التدريس نفسها
يعني المنهج هو نفسه لكن شكل الكتاب وطريقة عرض المعلومه اللي اختلفت بالاضافه الي
اسلوب المدرس بالفصل
المفروض انه الطريقه دي تحقق افاده اعلي للطالب بحيث انه 50% من درجاته بتتوزع كنشاط وسلوك وعملي بالفصل
وال50% الاخري بتكون عن اداؤه لاختبارات نصف العام واخره
يعني المفروض ان 50% من درجات الطالب في ايد مدرس الفصل !!
ده بالنسبه للطالب
اما بالنسبه للمدرس فمطلوب منه تدريس المنهج حسب الخطة الموضوعه له كل شهر
واثناء الشهر ده مطلوب منه انه يشرح المنهج ويتابع الطالب ويقوي نقاط ضعفه ويجري له تلات اختبارات شهريه علي ما تم اخذه ورصد جميع درجات الاختبارات ومن ثم اعتماد اعلي درجه للطالب من خلال التلات اختبارات دول مع عمل ملف خاص للاحتفاظ بكل الاختبارات
ممكن ميكونش ده كتير علي المدرس وخصوصا انه حصل علي حقه من الكادر
بس تفتكرو لما يكون متوسط عدد التلاميذ في الفصل الواحد 45 طالب مش هيكون كتير !!
وعلي الرغم من الهدف السامي من موضوع التقويم الشامل ده
الا ان المفاجاه فعلا ان الكتب الي اليوم لم تسلم لطلاب الصف الرابع
عني المفروض المدرس يقرا الفنجان ويضرب الودع ويدرس للطلبه المنهج اللي لسه منزلش عشان الدراسه بدأت من شهر
والمدهش والمثير للازبهلال بجد ان الكتب الخارجيه نزلت بالمنهج الجديد قريبا في الاسواق
طب ازااااي !!
المفروض انه الكتب الخارجيه بتكون مساعده للطالب بعد الكتاب الوزاري
انما تطبع وتنزل قبله !!
هل دي سياسه جديده ؟
هل الوزراه معندهاش الميزانيه الكافيه لطبع الكتب في ميعادها ؟
هل دا شيء مقصود ومتعمد لاضطرار الطالب شراء الكتاب الخارجي لانه كده كده واخد الكتاب الوزاري حتي لو نزل في التيرم التاني !!
والسؤال اللي بيفرض نفسه بقوة
هل حقق نظام التقويم الشامل الهدف المرجو منه فعلا !!
ولا هو تغيير عشان يكون تطوير والسلام
هناك ١٠ تعليقات:
يا حجه رضوى
شوفى اسماء المؤلفين للكتب الخارجيه دى وانتى تفهمى كل حاجه
هما نفس مؤلفين كتب الوزارة
بس الفلوس بتذل النفوس
اهلا وسهلا بحضرتك
اول مره تشارك في بوست ليا
علي فكره انا مش رضوي
بالنسبه للكتب الخارجيه اكيد اللي بيالفها نفس مؤلفين كتب الوزاره
بس الغريب بجد واللي مستغرباه
ان الاستعباط بئه عيني عينك
يعني احنا كده وان كان عاجبكم
مش عارفه وصفها صح كده ولا ايه
طيب ماهو ممكن المدرسين يستهبلو وميشتغلوش ويقولوا مفيش حاجه نشرح منها
هيبقي ايه الحل !!
الوزارة شكلها عايزه سلفه
والمدرسين عايزين سلفه
والمؤلفين برده عايزين سلفه
تحياتى
استاذ محمد البلد كلها عايزه السلفه الصراحه
وسلملي عالكادر
اممممممممم
النظام نفسه كويس وبيشجع الطالب انه يفكر لكن 50 % كتير شويتين
بس حضرتك بتتكلمى جد ان فعلا مفيش كتاب الى الان
دة خلاص فيه امتحانات تيرم
طب الكتاب الخاص دة عرف منهج الوزاة ازاى ؟؟ مكشوف عنهم اللحاف اكيد
وانتوا بتدرسوا للعيال ايه بجد ؟
ولا العيال مقضينها لعب xo طول النهار
هو النظام في حد ذاته حلو على فكره انا كنت في الامارات كان في النظام ده بس بنسبه 20% لان 50% ممكن يبقى فيه ظلم للطالب شويه
هو احسن حاجه فيه الامتحانات المستمره اللي كانت بتخلينا نذاكر بالعافيه عاجبك و لا مش عاجبك
اما موضوع الكتب ده بقى ... اومال بدؤا الدراسه قبل العيد بكام يوم ليه ؟؟؟ قالوا عشان نسلم الكتب و الكل يرجع من العيد جاهز و كل حاجه مترتبه ... مشكله مصر انها محتاجه نظام نفسي الاقيها زي دول كتير
ربنا مع العيال و الاساتذه و أولياء الامور هنقول ايه.... يبقى انت اكيد اكيد في مصر
مستكة باشا
المشكلة كمان
إن التقييم دا بيكون 3 اجزاء
جزء "نشاط" ودا أصلا بيطالبوا الأهالي بيه
يعني سعادة المدرس بيقيم الأب والأم مش الطالب
مش عارفة الصح فين بصراحة بس يمكن كدا أرحم ما يكون للطالب الامتحان وبس
مش قادرة احدد بصراحة
بس طبعا مشكلة الطلبة اللي لسه ما أخدتش باقي الكتب دي
بشمهندس وائل
صدقني لحد تاريخ البوست مكنش الكتب وصلت فعلا وكان فيه حروب علي الكتاب الخارجي لانه كان الامل الوحيد
الكتب نزلت المدارس من فتره بسيطه اخيرا
المدرسين بيدرسو للولاد من الكتب الخارجيه اكيد
اما بالنسبه للـ XO
اطمن وصلنا لنهائيات الجمهوريه بلا فخر
^_^
سهي هو انتي معتقده ان الامتحانات الكتيره بتخلي الاولاد يزاكرو
مش عايزه احلفلك ان فيه طلبة اعدادي مبتعرفش تكتب
للاسف عندنا البيروقراطيه اكلت التعليم
تعرفي اي رقابه علي المدرس اول ماتيجي تفتكري بتساله عن ايه !!
كشكول التحضير وملف الانجاز ولو دخلو عليه الفصل مش مشكله هو بيشرح ايه اهم حاجه ان يكون فيه عنوان وتاريخ علي السبوره مطابق للعنوان والتاريخ اللي في كشكول التحضير حتي لو المدرس مش بيشرح وحتي لو الطلبه مش بتعرف تكتب اصلا
خليني ساكته الله يكرمك ال تعليم ال
هبه يقيموا الاهالي !!
لا جديده دي
يمكن في المدارس الخاصه النظام ده
بصراحه معندييش فكره انا بتكلم عن المدارس الحكوميه
واللي نفسي افهم واضعي نظام التقييم الشامل ده كانو بيفكروا ازاي لما اقروه
والله ياجماعه لاتتخيلو المدرسين في ماساه انا لامسه الوضع ده جدا
تخيلوا معايا كده تلات مهمات في الشهر .. مش مشكله عادي
يعني فيه حصص ضايعه في المهمات متوسط حصتين لو قلنا المدرس بياخد المهمه في نص حصه بعد شرح الدرس مثلا
تصحيح المهمات دي ثم تدبيس مهمة كل طلاب في كراسه خاصه بيه وبعدين رصدها في ملف المكتب وبعدين رصدها في ملف الانجاز
اضربوا الخطوات دي كلها في متوسط 45 طالب
غير متابعة تحضير المدرس لمادته طبعا
طيب المدرس يركز ازاي مع الطلبه في شرح الماده نفسها عشان يفيدهم بجد
علما بان المدرس ده كائن حي وله حياته الخاصه بمشكلاتها اليوميه زي اي انسان في الدونيا !!!
إرسال تعليق